Feira Da Ciencia 2012

A feira de ciencia que organiza o noso concello este ano ten como lema 'Ano 2012  Enerxia Sostible para todos'. É un tema moi amplo e non fai falla ser nin expert@ nin científic@ para poder participar! Cada grupo pode dar o enfoque que queira ao tema; é unha boa oportunidade para que traballemos todos xuntos– nais/pais, alumn@s e profesor@s. Ademais, haberá premio para o grupo gañador de cada categoría e agasallos para tod@s @s participantes!

Para participar, hai que formar un grupo de 3 alumn@s que sexan do mesmo ciclo. As categorías son:

-  Infantil 

-  1º e 2º primaria 

-  3º e 4º primaria 

-  5º e 6º primaria 

-  1º e 2º ESO

-  3º e 4º ESO

Cada un dos grupos terá que facer un traballo (presentación, video, mural, investigación, spot publicitario, proxecto, construción...) para presentar na feira o domingo 25 de novembro de 2012.

Dadas as dificultades que pode haber para que @s nen@s/rapaces se poñan de acordo para formar os grupos, a ANPA ofrécese para facilitar o proceso. Polo tanto, se calquera alumn@ do CPI de Vedra quere formar parte dun grupo, que se poña en contacto coa ANPA antes do 31 de outubro no correo anpacpivedra@gmail.com ou nos teléfonos 981502283 (Jacqui) ou 653748039 (Luís Carreira), indicando nome, apelidos e curso ao que pertence @ nen@. Poñeremos en contacto @s alumn@s que sexan da mesma categoría para que poidan quedar e formar un grupo de traballo.

A data límite de inscrición na feira é o 15 de novembro do 2012.

As bases están dispoñibles neste enlace: Bases Ciencia ou na conserxería do colexio e pódese solicitar máis información no departamento de Cultura do concello cultura@concellodevedra.com ou 981 814 691.

Animádevos a participar!