ANPA CPI DE VEDRA: Formación

Mostrando entradas con la etiqueta Formación. Mostrar todas las entradas

DROGAS E SAÚDE

O departamento de educación do concello de Vedra en colaboración cos centros educativos do municipio está a organizar unhas xornadas sobre prevención de drogodependencia para facilitar os recursos de información, orientación e formación ás familias: “Falemos de drogas” dirixidas a toda a comunidade .

MARÍA TAJES ALONSO

(psiquiatra, xefa de servizo de saúde mental e drogodependencias)

“DROGAS E SAÚDE”

Será o xoves 25 de febreiro, ás 20 h no Centro Municipal de Formación (Casa da Estación do Tren de Santa Cruz de Ribadulla).

Poderán asistir todas as persoas interesadas. Por razóns de organización agradecemos que confirmedes a vosa asistencia no telf. 699041486 Mamen Sabio (Educadora) ou no seguinte enderezo carmen.sabio@vedra.dicoruna.es .

Animádevos a participar. A educación é tarefa de todas e todos.

DEBATE-CONFERENCIA REDE E TECNOLOXÍA: DESAFIOS EDUCATIVOS EN COMUNIDADE

Os vindeiros días venres 19 e sábado 20 terá lugar en Vedra o "VII Seminario-Obradoiro Internacional de Avaliación de Materiais Didácticos" organizado entre outros pola USC e esta ANPA.

O venres pola tarde levaranse a cabo no salón de actos da Casa da Terceira Idade de Vedra unha serie de charlas ás que estades convidadas todas as persoas interesadas en asistir.

Tedes máis información debaixo destas liñas.

NON FALTEDES!!!

VII SEMINARIO-OBRADOIRO INTERNACIONAL DE AVALIACIÓN DE MATERIAIS DIDÁCTICOS

Por segundo ano consecutivo a USC confiou no CPI de Vedra e na ANPA A Bóca para celebrar o "VII Seminario-Obradoiro Internacional de Avaliación de Materiais Didácticos" titulado nesta edición "Rede e Tecnoloxía: Desafíos Educativos en Comunidade".

O seminario terá lugar no CPI de Vedra o fin de semana do 19 e 20 de febreiro deste ano e está enfocado a todas as persoas integrantes da comunidade educativa (profesorado, nais, pais, estudantes...). Aínda que está denominado como internacional impartiranse charlas e obradoiros en castelán e galego.

Debaixo destas liñas tedes toda a información que necesitades para formalizar a matricula e os horarios e temas dos obradoiros:

PROGRAMA

FICHA DE INSCRICIÓN

CHARLA/COLOQUIO: APLICACIÓN DA LOMCE NA ESO

Como xa sabedes, hoxe estase a realizar a Proba de Avaliación Individual de Terceiro Curso de Ensino Primario imposta pola LOMCE. No senso deste tipo de probas e para máis información dos pais e nais que o desexen a CONFAPA-GALICIA está a levar a cabo unha serie de charlas informativas. Nesta ocasión convocannos a todos os pais e nais para falar do CURRICULO NA SECUNDARIA E BACHARELATO (itinerarios en 3º da ESO, Reválida de 4º da ESO e 2º de Bacharelato…). Actuarán como relatores Helena Gómez Vecino, presidenta de CONFAPA-GALICIA, e Jose M. Fuentes Fariña, en representación da Plataforma en Defensa do Ensino Público. O que pretenden é facer desta convocatoria un espazo informativo e participativo.

DÍA: SÁBADO 30 DE MAIO.
HORA: 10:30 horas (duración aprox. de 2 horas).
LUGAR: Sede da Federación Provincial, Rúa Orzán nº 21 da Coruña.

LEMBRADE: VI SEMINARIO-OBRADOIRO INTERNACIONAL DE AVALIACIÓN DE MATERIAIS DIDÁCTICOS

A ANPA "A Boca" do C.P.I. Plurilingüe de Vedra está a colaborar na organización do "VI SEMINARIO-OBRADOIRO INTERNACIONAL DE AVALIACIÓN DE MATERIAIS DIDÁCTICOS" co título "A EDUCACIÓN E OS MATERIAIS DIDÁCTICOS EN FINLANDIA: QUE PODEMOS APRENDER?" promovido entre outros pola Xunta de Galicia e a Universidade de Santiago de Compostela.

Dito seminario-obradoiro temos o privilexio de que se celebrará en Vedra en febreiro do ano que ven no que vamos ter a oportuidade de escoitar de primeira man as experiencias dun profesor finlandés sobre un dos mellores sistemas educativos do mundo. Ademáis de debatir sobre que podemos aprender de Finlandia e que podemos mellorar na nosa comunidade educativa, teremos a oportunidade de participar en distintos obradoiros nos que poderemos aprender entre outras cousas a analizar os contidos dos libros de texto e materiais didácticos dos nosos fillos, ou como educalos no uso de novas tecnoloxías para evitar problemas de socialización e adicción.

O seminario-obradoiro, totalmente en español, está orientado para toda a comunidade educativa. Dende a ANPA gustarianos promover a participación de todos os pais e nais que o desexen xa que consideramos de gran importancia que os pais e nais adquiran unha visión crítica na educación de seus fillos.

Para máis información podedes acceder ós seguintes enlaces:

Nova Escola Galega

http://avaliacionre.wordpress.com

Documentación de interese:

Cartel

Programa

Ficha de inscrición

VI SEMINARIO-OBRADOIRO INTERNACIONAL DE AVALIACIÓN DE MATERIAIS DIDÁCTICOS

Para máis información podedes acceder ós seguintes enlaces:

Nova Escola Galega

http://avaliacionre.wordpress.com

Documentación de interese:

Cartel

Programa

Ficha de inscrición

CAMPUS DE VERÁN CIENTÍFICO-TÉCNICO LUGO

Dirixido a estudantes da E.S.O. que queiran coñecer de primeira man as diferentes alternativas formativas que lles ofrece a Universidade de Santiago de Compostela.

Link: http://www.usc.es/gl/cursos/campcientec

TRES ACCIÓNS SINXELAS PARA MELLORAR A EDUCACIÓN: XOSÉ MANUEL DOPAZO EN TEDx

O TEDx é un programa de conferencias locais creado para difundir as ideas que merecen ser coñecidas, un espazo no que compartir abertamente diferentes puntos de vista, conforme se di na súa web.

Os que asistimos ao 2º Encontro da Comunidade Educativa puidemos gozar coas ideas de Xosé Manuel Dopazo arredor do traballo por proxectos e da creatividade na educación, coa súa exposición clara, rigorosa e cargada de sentido común. Agora, presentámosvos a súa charla no TEDx, din os organizadores destas conferencias que provoca "unha reflexión acerca dos contidos dos debates sobre educación e conclúe con tres accións sinxelas que realmente mellorarían a educación".

Tamén din que Xosé Manuel Dopazo é profesor de Lingua e Literatura e Director do IES Maruxa Mallo pero, para nós, é algo máis: é un exalumno deste Colexio Público de Vedra, un veciño e un amigo do que sentirse orgullosos.

Polo moito que sabe de educación, e polo ben que o conta, aos da ANPA parécenos a mellor maneira de celebrar as 10.000 visitas ao noso blog porque, ademais, hai un mensaxe para nós, nais e pais.

OS PROXECTOS DE TRABALLO E A CREATIVIDADE: DOCE REFLEXIÓNS

Para os que non puidestes asistir as charlas sobre o fomento da creatividade no ensino público, poñemos ao voso dispor este documento elaborado por José Manuel Dopazo con algunhas reflexións que, cremos, invitan a pensar e a coñecer máis sobre un tema ao que os pais e nais debemos estar atentos.

OS PROXECTOS DE TRABALLO E A CREATIVIDADE: DOCE REFLEXIÓNS

FRANCESCO TONUCCI

Faláronnos moitas veces del nos talleres da Escola de Familias e fai só un par de semanas unha socia enviounos unha entrevista que lle fixeron en Pontevedra por se fora do noso interese recoller no blog as opinións dun dos referentes europeos da innovación educativa e, claro que si, interésanos.

2º ENCONTRO DA COMUNIDADE EDUCATIVA

Os próximos días 24 e 25 deste mes a ANPA "A Boca" organiza o 2º Encontro da Comunidade Educativa en colaboración co Concello e o CPI Plurilingë de Vedra. Temos preparado para estes días unha morea de actividades ás que estades todos convidados. Esperamos a vosa visita. Para máis información ver documentos axuntos.

TRÍPTICO INFORMATIVO TALLER DE CREATIVIDADE

Dianteira

Traseira

TALLER DE CREATIVIDADE

TALLER DE TEATRO

Xa está aberto o prazo de inscrición para todos aqueles que queirades participar na actividade de teatro ofertada pola ANPA un ano máis. Tedes toda a información necesaria para levar a cabo a inscrición no documento adxunto.

ESCOLA DE FAMILIAS

O próximo venres 27 terá lugar outra sesión de Escola de Familias, nesta ocasión contamos coa participación de Manuel Rei, un prestixioso profesional da orientación educativa a nivel nacional. Sería bó que aproveitásemos todos e todas esta ocasión. A sesión celebrarase desta vez en Sta. Cruz, no centro Municipal de Formación (antiga estación de Sta. Cruz).

ESCOLA DE FAMILIAS

Quinta reunión da Escola de Familias coa temática: "Obradoiro: prevención de consumo de drogas". Por razóns organizativas, prégase inscripción.

ESCOLA DE FAMILIAS

Cuarta reunión da Escola de Familias coa temática: "Que facer o rematar a ESO?" (Saídas educativas e profesionais). Por razóns organizativas, prégase inscrición.

EXPOSICIÓN DE MOTIVOS DO 1º ENCONTRO DA COMUNIDADE EDUCATIVA

Na sección "DOCUMENTOS" deste Blog, podedes atopar unha exposición dos motivos polo que se organiza este primeiro Encontro da Comunidade Educativa.

Así mesmo, tamen temos un documento importante, sobre a creación dun Fondo de Recursos Educativos para o CPI de Vedra.

1º ENCONTRO DA COMUNIDADE EDUCATIVA

1º Encontro da Comunidade Educativa

Vedra, 19 e 20 abril 2013

Educación Pública de calidade en tempos de crise

Aberto a todas as persoas interesadas na educación hoxendía: alumn@s, ex-alumn@s, profesor@s, familias, amigos e viciños.

ESCOLA DE FAMILIAS

Terceira reunión da Escola de Familias coa temática: "Obradoiro de Técnicas de estudo para pais e nais (como axudar os fillos e fillas no estudo". Por razóns organizativas, prégase inscrición.

ANPA CPI VEDRA

PÁXINAS