FALECE XOSÉ NEIRA VILAS

Dende a ANPA A Bóca gustaríanos transmitir o noso máis sentido pesar á familia e amigos de Xosé Neira Vilas que nos deixou hoxe pola mañá. Unha das figuras máis importantes da cultura e a literatura galegas, autor entre outras obras, de Memorias dun neno labrego.
DEP.


DÍA DO MESTRE

Hoxe celébrase o Dia do Mestre e dende a ANPA A Bóca do CPI de Vedra gustaríanos felicitar a todas as mestras e todos os mestres que continuamente traballades arreo para e polos nosos fillos e fillas.
Moitas grazas polo voso compromiso.



DÍA INTERNACIONAL CONTRA A VIOLENCIA DE XÉNERO

NOTA DE PRENSA CONFAPA-GALICIA 23/11/2015

O 25 de novembro de 2015, ás 20/20:30 horas, o Movemento Feminista Galego convoca concentracións e manifestacións nas principais cidades de Galicia* con motivo do “DÍA INTERNACIONAL CONTRA A VIOLENCIA DE XÉNERO” para esixir que a loita contra a violencia machista sexa unha Cuestión de Estado.
A Confederación Galega de ANPAs de Centros Públicos, (CONFAPA-GALICIA), como colectivo que representa ás familias da escola pública galega e defende a igualdade e o respecto aos dereitos e liberdades fundamentais de toda a cidadanía así como os valores de solidariedade e tolerancia, adhírese a esta movilización cívica e xunto ás súas organizadoras invita a toda a sociedade civil a que se sume á mesma xa que a erradicación da violencia machista e a violencia cara ás mulleres é unha cuestión que involucra a toda a sociedade.

23 de novembro de 2015

Área de Comunicación e Publicacións
XUNTA DIRECTIVA.


*Manifestacións:
  • COMPOSTELA, 20:30 h: desde a Praza 8 de Marzo.
  • VIGO, 20:00 h: desde a Farola de Urzáiz.

*Concentracións:
  • A CORUÑA, 20:00 h: Obelisco.
  • NARÓN, 20:00 h: Praza da Gándara.
  • OURENSE, 20:30 h: Praza do Ferro.
  • PONTEVEDRA, 20:00 h: Praza da Peregrina.



NOVA CONVOCATORIA DE AXUDAS PARA ADQUISICIÓN DE MATERIAL ESCOLAR

A Xunta volve a convocar axudas para a adquisición de material escolar destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos da Comunidade Autónoma de Galicia para o curso escolar 2015/16, que non puidese acollerse ás axudas reguladas pola Orde do 25 de agosto de 2015, e a aquel que, tendo solicitada a dita axuda, resultase excluído por unha causa emendable.

Prazo de solicitude: 11/11/2015-24/11/2015

ENLACES:
ORDE do 6 de novembro de 2015 (DOG)

ÚLTIMO DÍA!!!

Lembrade que hoxe ás 24 horas remata o prazo para poder facerte soci@ da ANPA A BOCA ou para contratar o noso Seguro Escolar. Se fixéchedes o pago ou aínda o ides facer esta fin de semana, poderedes entregar a ficha de inscrición na conserxería do CPI de Vedra durante toda a semana que ven.
Moitas grazas a tod@s @s que xa vos fixechedes soci@s e lembrade que con isto estades apoiando unha iniciativa seria e necesaria.

ACLARACIÓN CAMPAÑA CAPTACIÓN SOCI@S ANPA

Estimad@s amig@s,

debido a unha consulta que recibimos de parte dunha nai do CPI gustarianos aclarar o seguinte:

TANTO A COTA DE SOCI@ COMO O SEGURO ESCOLAR DA ANPA A BOCA TEÑEN QUE RENOVARSE ANUALMENTE. POLO TANTO, AÍNDA QUE FORADES SOCI@S E TIVERADES O SEGURO O CURSO PASADO ESTE CURSO TEDES QUE VOLVER A PAGAR A COTA OU O SEGURO PARA PODER SEGUIR BENEFICIANDOVOS DOS NOSOS SERVIZOS.

Lembrade que tedes ata o domingo 8 ás 24 horas para facer os pagos correspondentes se desexades ser soci@s ou o seguro para este curso 2015-2016. As fichas poderanse entregar se o desexades na semana seguinte, pero sempre e cando estea feito o pago antes do día oito.
Sen máis, adxuntamosvos a ficha de inscrición, aínda estades a tempo de participar nun proxecto serio e necesario.

Saudos.

INSCRICIÓN SOCI@ + SEGURO + ACTIVIDADES 2015-16

A partir de hoxe e ata o domingo 8 de novembro ás 24 horas podes facerte soci@ da ANPA "A BOCA" do CPI de Vedra. Se o desexas tamén podes contratar o Seguro Escolar que ofertamos ou beneficiarte das nosas Actividades Extraescolares. Se estas interesad@ so tes que visitar o noso blogue e entrar no apartado ISCRÍBETE, aquí poderas atopar toda a información e documentación necesarias.
 
COLABORA CUN PROXECTO SERIO E NECESARIO PARA A COMUNIDADE EDUCATIVA DE VEDRA!!!


Cal é o principal obxectivo da ANPA?

Contribuír, na medida das nosas responsabilidades, á formación do alumnado e ao bo funcionamento do C.P.I. Plurilingüe de Vedra. Nesta tarefa, cada nai e cada pai somos imprescindibles.

Qué fai?
  • Vela polo bo estado das infraestruturas educativas, e o funcionamento axeitado dos servizos complementarios (comedor, transporte…).
  • Presta apoio ao alumnado, e as súas familias, en todo o relacionado coas necesidades educativas e coa asistencia ao centro (seguro escolar, Banco de Libros, chándal…).
  • Tenta chegar a convenios e acordos para lograr, para @s nos@s soci@s, un mellor prezo en materiais de uso común do alumnado, dende material escolar ata, por exemplo, gafas ou outros servizos e produtos. 
  • Mantén un blogue de comunicación das actividades da ANPA, e aporta materiais para a reflexión, o debate e a formación. 
  • Defende os intereses de nais e pais no Consello Escolar. 
  • Colabora nas campañas educativas do Centro (excursións, festivais, xornadas formativas…).

Qué fixemos ata o de agora?
  • Colaboración con causas solidarias: Fundación Andrea, Todos con Xose Manuel....
  • Xestión de material escolar para familias en risco de exclusión social, en colaboración coa Fundación La Caixa. 
  • Banco de Libros de texto. 
  • Obradoiros varios, así como actuacións para os festivales de Nadal. 
  • Xornada arredor dos problemas educativos, encontros da Comunidade Educativa, nos que participan diversos profesionais. 
  • Colaboración coas Xornadas Pedagóxicas, evento de carácter internacional que se leva a cabo no noso colexio. 
  • Outros proxectos de economía local arredor da comunidade educativa, como o chándal de Vedra ou outros convenios que estamos a levar a cabo para aforrar cartos @s nos@s soci@s. 
  • Facemos moitas outras cousas. Se queres saber máis non te olvides de visitar o noso blogue.

ASEMBLEA XERAL ORDINARIA

CONVOCATORIA ASEMBLEA XERAL ORDINARIA

A Xunta Directiva da ANPA “A Bóca” do CPI Plurilingüe de Vedra convoca a unha Asemblea Xeral Ordinaria de socios/as coa seguinte

ORDE DO DÍA

1- Lectura e aprobación, se procede, da acta da sesión anterior.
2- Lectura e aprobación, se procede, do estado de contas da ANPA.
3- Exame da memoria de actividades do curso anterior e aprobación, se procede, da xestión da Xunta Directiva.
4- Información e aprobación, se procede, do programa de actividades para o presente curso, e recollida de suxestións para o desenvolvemento destas e doutras que poidan ser solicitadas.
5- Acordo, se procede, sobre as cotas de socios/as para o presente curso.
6- Rogos e preguntas.

1º convocatoria: 20:30 hrs.
2º convocatoria: 20:45 hrs.
DATA: venres 25 de setembro de 2015.
Lugar: Casa do Antigo Xulgado de Vedra (fronte á farmacia de Vedra).

A Xunta Directiva


Lugar da Asemblea

OS AXÓUXERES


Este fin de semana chega a Vedra o novo espectáculo da Rede de Dinamización Lingüística, Os Axóuxeres. Trátase dunha actividade orientada para nenas e nenos de ata 6 anos que gozarán dun escenario cheo de música, xogos e palabras.
Terá lugar no Museo Paz Camps de San Fins de Sales o sábado 26 de setembro ás 12:00 horas.
A entrada é de balde, pero con reserva previa ata completar aforo. O prazo de reserva comezou este luns e podedes facela chamando ó 697 363 089 de luns a venres de 10:00 a 13:00 horas.
ANIMÁDEVOS!!!

ACTIVIDADES CULTURAIS E DEPORTIVAS 2015-16

Como todos os anos o Concello de Vedra oferta o seu programa de actividades culturais e deportivas para esta nova tempada. Dende a ANPA A Bóca estamos totalmente comprometidos e concienciados ca cultura e o deporte, e máis aínda en idade escolar, e gustaríanos animarvos a que tanto nen@s como nais e pais participedes en ditas actividades.

O prazo de inscrición remata o día 30 deste mes de setembro.

Para as actividades culturais xa está o prazo aberto dende o día 10 deste mes e podedes formalizar a inscrición poñéndovos en contacto:

- A través do enderezo electrónico: cultura@concellodevedra.com.
- A través do teléfono 981 814 691.
- Ou no propio departamento de cultura.

Para inscribirse nas actividades deportivas teredes que agardar ata o día 22 de setembro e poderedes facelo no pavillón municipal.
 
Para máis información podedes revisar o programa completo no seguinte enlace:

RESOLUCIÓN BANCO DE LIBROS 2015-2016

Xa está á vosa disposición a Resolución do Banco de Libros da ANPA-CPI 2015-2016 na que poderedes consultar os libros que se vos concederon para o vindeiro curso. Para acceder ó documento pincha no seguinte enlace:


Tamén nos gustaría pedir desculpas por non cumprir co acordo de mandar unha carta ás casas na primeira quincena de xullo ca resolución, pero por circunstancias alleas á ANPA non nos foi posible cumprir os prazos e mandar dita carta. Unha vez máis pedimos desculpas e intentaremos contactar con todos a todas vós por email ou por teléfono.

Para máis información podedes chamar ó teléfono 693428017 e consultar a páxina do CPI de Vedra.

Moitas grazas e estamos á vosa disposición.

OS BOLECHAS EN VEDRA

Este sábado 18 ás 19:00 horas no Museo Paz Camps, Os Bolechas presentan unha actividade de dinamización lingüística chamada "Os Bolechas na máquina do tempo: unha viaxe a través do tempo cun científico tiruleco". Esta actividade enmárcase dentro da nova xira do programa de dinamización lingüística falaRedes.
Animádevos a asistir!

Para máis información pinchade no seguinte enlace: Máquina do tempo.



RECORDATORIO: BANCO DE LIBROS 2015-2016

Lembrade que tedes ata este venres 26 para devolver os libros que recivistes do Banco de Libro da ANPA para o curso 2014-2015. Do mesmo xeito tedes ata ese mesmo día para doar os libros que consideredes e para entregar as fichas de Libros en Préstamo para solicitar os libros que queirades para este próximo curso.
Agradecemos a todos os pais e nais que estades a participar nesta edición do Banco de Libros e esperamos facelo do mellor xeito posible para que cheguen o maior número de libros para a maioría das familias.
MOITAS GRAZAS A TOD@S.

BANCO DE LIBROS 2015-2016

Nos dous últimos cursos, moitas familias beneficiáronse do préstamo gratuíto de libros de texto grazas a súa colaboración e participación no Banco de Libros posto en marcha pola ANPA “A Boca” e o CPI Plurilingüe de Vedra. 

Vistas as condicións que presenta o “Fondo Solidario” creado pola Consellería de Educación, que non chegará a todas as familias, a directiva da ANPA “A Boca” acordou, de acordo coa postura da Federación de ANPAS, continuar co mesmo sistema iniciado xa fai dous cursos, “BANCO DE LIBROS ANPA-CPI” para dar cobertura aos cursos e situacións que non cobre o Fondo Solidario da Xunta. Funcionará de forma paralela e independente deste. 

O obxectivo é a redución dos gastos para as familias e ao mesmo tempo fomentar os valores de solidariedade, consumo responsable e coidado do material. Polo que animamos a todas as familias a participar neste proxecto. 


A) DEVOLUCIÓN DOS LIBROS POLOS USUARIOS DO ACTUAL BANCO DE LIBROS

Antes do final do curso, revisarán todos os libros que lles foron prestados, comprobando o bo estado para a súa devolución, debendo ser completamente lexible (nin pintado, nin manchado), en bo estado de conservación (sen follas soltas) e íntegro (con tódalas páxinas e anexos). 

DEVOLUCIÓN: Os libros devolveranse nas propias clases metidos nunha bolsa co nome do alumno, co control do secretario do centro e un membro da ANPA, segundo a ficha de préstamo. Día de entrega: 18 de xuño (Primaria) e 19 de xuño (Secundaria)
(Os alumnos de Secundaria que necesiten algún libro para estudar durante o verán, solicitarán retrasar a entrega do mesmo ata o día 4 de setembro. O resto do lote deberá entregarse). 

A falta de entrega dos libros ou a entrega non conforme ás normas de conservación suporá o pago do valor de reposición dos libros. No caso de non facer fronte ao valor de reposición dos libros quedará excluído do programa de banco de libros


B) DOAZÓNS

- Poden doarse soamente os libros do curso que acaban de rematar, para os niveis desde 3º de Primaria a 4º de ESO. 

- Aceptaranse os libros de texto que continúen vixentes para o vindeiro curso 2015-16. A lista poderá consultarse na páxina web do centro: www.edu.xunta.es/centros/cpidevedra ou na secretaría do mesmo. 
Nota importante: Os alumnos que acaban 4º de ESO este curso e continúen estudos nos IES de Pontepedriña ou Sar se doan os seus libros no CPI de Vedra, recibirán un certificado de doazón que lles pode dar dereito a recibir libros dos Banco de Libros dos institutos de Pontepedriña e Sar. 

- Os libros doados entregaranse na clase o día 18 de xuño en Primaria e o 19 de xuño en Secundaria, por lotes completos metidos nunha bolsa, cunha lista dos mesmos (Ficha Doazón).
Tamén se poderán entregar en conserxería despois desas datas, pero sempre dentro do prazo límite do día 26 de xuño.
(Os alumnos de Secundaria que necesiten algún libro para estudar durante o verán, solicitarán retrasar a entrega do mesmo ata o día 4 de setembro. O resto do lote deberá entregarse en xuño) 


C) SOLICITUDES 

- Os alumnos solicitarán os libros do curso que van a cursar (desde 3º de Primaria a 4º de ESO). 

- Non é requisito ser doante para poder solicitar libros en préstamo, pero no caso de ter máis solicitudes que existencias, as familias doadoras terán preferencia sobre as demais. 

- Os alumnos que acaban 2º de Primaria non poden doar os seus libros (por as características dese material) pero si poden solicitar os libros de 3º de Primaria. 

- O prazo para entregar as solicitudes remata o día 26 de xuño, e despois deste día NON se aceptarán NIN doazóns NIN solicitudes de préstamo


D) PRÉSTAMOS 

- Tendo en conta as doazóns e as solicitudes entregadas, repartiranse os libros facendo unha distribución equitativa entre todas as familias doantes.

- Despois dese primeiro reparto, os libros restantes serán repartidos entre as familias non doantes

- Na primeira quincena de xullo, comunicaranse as familias, por correo, os libros que se lles emprestarán, para que poidan adquirir o resto. 

- Os libros entregaranse aos alumnos no primeiro día de clase en setembro. 


Vedra, 9 de xuño de 2015


Podedes descargar os impresos necesario para o Banco de Libros para o curso 2015-2016 debaixo destas liñas pinchando nas seguintes ligazóns:


AXUDAS E BANCOS DE LIBROS PARA O CURSO 2015-2016

Nos enlaces que tedes debaixo destas liñas podedes acceder a distinta información referente ás axudas para os libros de texto, ós Fondos Solidarios da Xunta e ós Bancos de Libros para este vindeiro curso.


CHARLA/COLOQUIO: APLICACIÓN DA LOMCE NA ESO

Como xa sabedes, hoxe estase a realizar a Proba de Avaliación Individual de Terceiro Curso de Ensino Primario imposta pola LOMCE. No senso deste tipo de probas e para máis información dos pais e nais que o desexen a CONFAPA-GALICIA está a levar a cabo unha serie de charlas informativas. Nesta ocasión convocannos a todos os pais e nais para falar do CURRICULO NA SECUNDARIA E BACHARELATO (itinerarios en 3º da ESO, Reválida de 4º da ESO e 2º de Bacharelato…). Actuarán como relatores Helena Gómez Vecino, presidenta de CONFAPA-GALICIA, e Jose M. Fuentes Fariña, en representación da Plataforma en Defensa do Ensino Público. O que pretenden é facer desta convocatoria un espazo informativo e participativo.

DÍA:   SÁBADO 30 DE MAIO.
HORA:   10:30 horas (duración aprox. de 2 horas).
LUGAR:   Sede da Federación Provincial, Rúa Orzán nº 21 da Coruña.

RESULTADO DA VOTACIÓN PARA XORNADA MIXTA

A proposta de horario en Xornada Mixta resultou aprobada onte pola maioría absoluta dos pais e nais de Infantil e Primaria do C.P.I. Plurilingüe de Vedra. Os resultados da votación son os que se expoñen a continuación:

Censo: 160
Votos emitidos: 129
Votos a favor: 104
Votos en contra: 24
Votos nulos: 1
Votos en branco: 0

Podedes consultar a acta da votación pinchando AQUÍ.

GRANDE SEMINARIO O PASADO FIN DE SEMANA


Este pasado fin de semana (20-21 de febreiro) tivo lugar en Vedra o VI Seminario-Obradoiro Internacional de Avaliación de Materiais Didácticos titulado "A educación e os materiais didácticos en Finlandia: ¿Qué podemos aprender?".
O venres 20 pola tarde tivo lugar na Casa da Terceira Idade a inauguración do seminario á que asistiron Jesús Rodríguez (Profesor da USC e organizador do seminario), Juan Viaño (Reitor da USC), Carlos Martínez (Alcalde de Vedra), José Viaño (Director do CPI de Vedra) e Xavier Rodríguez (Presidente da ANPA A Boca). O curso douse por inaugurado ca presentación da charla-coloquio de Tom Wikman, profesor finlandés que compartiu as suas experiencias con todos nós. Esta primeira xornada foi todo un éxito e vímonos desbordados coa asistencia de máis de 60 persoas, as que puideron disfrutar duns pinchos ofrecidos pola ANPA despois da charla.
A segunda xornada que transcorreu na mañá e tarde do sábado no CPI de Vedra, tivo tamén unha gran afluencia cun total de 42 inscritos ós obradoiros, impartidos por grandes profesionais da educación de lugares tan dispares como Valencia, Brasil, Portugal, Argelia e Finlandia. O ambiente de traballo foi moi agradable e productivo e todos os presentes puideron disfrutar duns merecidos descansos a media mañá e media tarde cuns pinchos ofrecidos pola ANPA.
Dende a ANPA gustarianos destacar a gran labor de todos os organizadores e colaboradores e gustarianos darlles as gracias a todas e todos os asistentes ó seminario. Destacar tamén o gran ambiente de traballo e compañeirismo que se respirou eses dous días e esperamos que se volva a repetir o ano que ven.
MOITAS GRACIAS A TOD@S!!!

"Podedes ver as fotos do encontro pinchando aquí."

INVITACIÓN VI SEMINARIO-OBRADOIRO INTERNACIONAL DE AVALIACIÓN DE MATERIAIS DIDÁCTICO

¿Sabes o que é o ciberbullying? ¿Sabes se o teu fillo ou filla o está sufrindo? ¿Gustariache aprender a detectalo e a remedialo? ¿Consideras que os xoguetes e videoxogos ós que xogan teus fillos non son os idóneos? Estas inquedanzas e moitas máis son as que se van tratar no VI Seminario-Obradoiro Internacional de Avaliación de Materiais Didácticos que se celebrará este venres 20 e sábado 21 en Vedra e ó que todos os pais e nais interesados estades invitados a asistir de forma totalmente gratuita.
A sexta edición deste seminario internacional organizado entre outros pola ANPA “A Boca”, o CPI de Vedra e a Universidade de Santiago de Compostela, e no que colabora o Concello, celébrase aquí en Vedra por primeira vez. O seminario-obradoiro impartirase preferencialmente en castelán, pero tamén en galego-portugués e inglés.
Para abrir boca e as nosas mentes críticas, o venres pola tarde no Centro da Terceira Idade de Vedra teremos unha interesante conferencia do profesor Tom Wikman de Finlandia. Nesta charla compartirá todas as suas experiencias e daranos unha perspectiva dun dos mellores sistemas educativos do mundo. Unha vez rematada a mesa redonda na que poderedes facer todas as preguntas que vos xurdan, realizarase unha ruta lúdico-cultural polos furanchos da zona á que podedes asistir previo pago e inscrición esa mesma tarde antes da conferencia.
O sábado teremos uns obradoiros no CPI de Vedra que tocan temas tan interesantes como o ciberbullying, xoguetes, videoxogos, material didáctico, etc… no que aprenderedes como detectar posibles problemas e como atallalos. Poderedes realizar un obradoiro pola mañá e outro pola tarde, cos correspondentes descansos para o café para que non se faga longo.
Como xa dixemos, calquera pai ou nai que queira asistir pode facelo de forma gratuita á conferencia do venres e ós obradoiros do sábado. Debido á gratuidade desta oferta, non se vos entregará ningún certificado de asistencia. Para máis información pincha aquí.


A directiva da ANPA “A Boca” do CPI Plurilingüe de Vedra.



OS BOLECHAS LEVAN O ENTROIDO ÁS ESCOLAS


Os Bolechas ofrecen unha unidade didáctica para achegar á cativada ao entroido tradicional galego por medio dos populares personaxes da familia creada por Pepe Carreiro.
Verín, Vilaboa, Chantada ou Laza son algúns dos lugares visitados polas crianzas Bolechas para mostrar o entroido máis tradicional e as súas peculiaridades.
A unidade, elaborada coa colaboración de profesionais da pedagoxía e a educación infantil, ofrece exercicios, xogos, receitas, ditos e información que compoñen un material didáctico que quere informar a nenas e nenos dunha das tradicións máis festexadas.
Podedes descargar a unidade pinchando no seginte enlace: http://osbolechas.com/o-entroido/

PROCESO DE ADMISIÓN DE ALUMNADO

Estimados pais e nais:
Achegamos ligazón do proceso de admisión do alumnado nos Centros Escolares sostidos con fondos públicos. O prazo de solicitude de praza é do día 1 ao 20 de marzo.

http://www.edu.xunta.es/web/node/14293


PROGRAMACIÓN EN ABERTO DO LAV015


A Asociación Senunpeso Produccións ten o pracer de convidarvos á programación en aberto do LAV015, que detallamos deseguido:

Venres 6 de febreiro
20:30 h. Centro Sociocultural de Vedra (Casa da Terceira Idade)

Funes, o inventor da lúa, de Enrique Otero
Documental biográfico sobre o inventor Eugenio Funes, que tras ser unha das pezas fundamentais na carreira espacial e na conquista da lúa, rematou os seus días dramaticamente nunha caravana na súa Galicia natal.
Galicia | 2014 | 48 min | Documental
O labirinto dos soños, de Grándola Nova
Seis capítulos dunha serie de animación para TV, na que cada capítulo corresponde a unha canción. Conta as peripecias de Ventura tres pelos, un rapaz que nunca quería durmir porque non sabía soñar.
Galicia | 2001 | 12 min | Animación
Flores para unha rosa, de alumnado do CPI de Vedra
É imposible quitar da mente o que en realidade se atopa no teu corazón. Unha curtametraxe de animación realizada por alumnado do Colexio Público de Vedra.
Galicia | 10 min | Animación

Sábado 7 de febreiro
20:00 h. Centro Sociocultural de Vedra (Casa da Terceira Idade)

A viaxe dos Chévere, de Alfonso Zarauza
Un achegamento filmado ao traballo e á vida duns cómicos trillados polo asfalto. A través dunha mirada moi persoal e poética, Alfonso Zarauza narra o desterro dunha compañía de teatro expulsada da súa cidade por un político corrupto e a súa loita de resistencia desde o territorio aínda ceibe do escenario.
Durante varios meses, o cineasta e un reducido equipo acompañaron ao grupo Chévere Premio Nacional de Teatro 2014, no seu traballo diario e mentres elaboraban a Ultranoite no País dos Ananos, un musical estreado no concello de Teo que logo xirou por Galicia.
Galicia | 2014 | 55 min | Documental

Domingo 8 de febreiro
17:30 h.  Centro Sociocultural de Vedra (Casa da Terceira Idade)
Entrega de diplomas e clausura.



LEMBRADE: VI SEMINARIO-OBRADOIRO INTERNACIONAL DE AVALIACIÓN DE MATERIAIS DIDÁCTICOS

A ANPA "A Boca" do C.P.I. Plurilingüe de Vedra está a colaborar na organización do "VI SEMINARIO-OBRADOIRO INTERNACIONAL DE AVALIACIÓN DE MATERIAIS DIDÁCTICOS" co título "A EDUCACIÓN E OS MATERIAIS DIDÁCTICOS EN FINLANDIA: QUE PODEMOS APRENDER?" promovido entre outros pola Xunta de Galicia e a Universidade de Santiago de Compostela
Dito seminario-obradoiro temos o privilexio de que se celebrará en Vedra en febreiro do ano que ven no que vamos ter a oportuidade de escoitar de primeira man as experiencias dun profesor finlandés sobre un dos mellores sistemas educativos do mundo. Ademáis de debatir sobre que podemos aprender de Finlandia e que podemos mellorar na nosa comunidade educativa, teremos a oportunidade de participar en distintos obradoiros nos que poderemos aprender entre outras cousas a analizar os contidos dos libros de texto e materiais didácticos dos nosos fillos, ou como educalos no uso de novas tecnoloxías para evitar problemas de socialización e adicción. 
O seminario-obradoiro, totalmente en español, está orientado para toda a comunidade educativa. Dende a ANPA gustarianos promover a participación de todos os pais e nais que o desexen xa que consideramos de gran importancia que os pais e nais adquiran unha visión crítica na educación de seus fillos.
Para máis información podedes acceder ós seguintes enlaces:

http://avaliacionre.wordpress.com

Documentación de interese: