Entradas
ANPA
“A BOCA”
C.P.I.
de Vedra
Resumo dos temas tratados e dos acordos aprobados en asemblea extraordinaria de nais e pais celebrada o 21 de setembro de 2012
Acta da Asamblea Extraordinaria de nais e país do C.P.I de Vedra, celebrada o día 21 de setembro de 2012.
Celébrase
a xuntanza na “Casa do Sindicato” de Vedra (fronte á farmacia),
dando comezo ás 21.00 h, á que asisten 36 socios e os seguintes
membros da directiva: José
Luis Carreira Quinteiro (presidente), Luis Martínez Silveira (vocal
e representante no Consello Escolar), Xurxo Cerdeira Louro (vocal) e
Isaura Sánchez Gil (vocal).
Tamén asiste, invitado pola directiva da ANPA, o director do Centro, José Viaño Rey.
Resumo dos
temas tratados, e dos correspondentes acordos, segundo a seguinte
orde do día:
1º.-
Informar
ás familias das alternativas de emerxencia que se poden levar
adiante para aforrar cartos na compra dos libros de texto deste
curso, especialmente no caso daquelas que aínda non os mercaran.
Neste punto tomaron a
palabra varias nais e pais que espuxeron o seguinte:
a) A necesidade de
sensibilizar ao claustro para conquerir que non se esixiran tantos
libros de texto nin material escolar por parte do profesorado.
b) explicaron varias
opcións que permitirían un aforro no custe dos libros de texto
deste curso 2012-2013 así como un reducción nos gastos orixinados
polos materiais escolares que se están a pedir dende os distintos
seminarios.
c) Deron conta de varios
recursos existentes na rede onde se poden atopar libros e documentos
de lectura obrigatoria en distintos niveis educativos, así como de
recursos e materiais didácticos complementarios.
d) O director do CPI de
Vedra respostou e aclarou dúbidas referentes a distintos temas que
lle foron prantexando os presentes e, no referente a este punto da
orde do día, manifestou a plena disposición da direccíon do
centro a colaborar coas nais e pais, tanto na sensibilización do
profesorado a respecto deste tema como en calquera medida que leve a
axudar ás familias nestes momentos de crise. Tamén, facilitou
información sobre algunhas experiencias de bancos de libros que se
estaban levando a cabo na bisbarra e confirmou a súa disposición a
colaborar na creación do mesmo neste centro.
2º.-
Dar conta das xestións que se están iniciando para a creación dun
Banco
de Libros
(sistema de adquisición de libros de texto, xa empregado noutros
centros, que permite o aforro de case o cento por cento do seu
custo). Se esta proposta contara co respaldo e aprobación dun bo
número de nais e pais poríase en funcionamento no curso 2013-2014.
Iniciou o debate deste
punto Abelardo Rendo Rial, impulsor da iniciativa de creación do
Banco de Libros do CPI de Vedra, e espuxo as liñas definitorias do
proxecto. De seguido, abríuse unha quenda de intervencións, no que
participaron a práctica totalidade das asistentes, sendo todas as
manifestacións favorables á creación de dito banco. Para o deseño
e implementación de dito proxecto constituíuse un grupo de
traballo formado por cinco nais e pais (Luisa Moure, Jacqui
Deverell, Nin Calvo e Xurxo Cerdeira) que será coordinado por
Abelardo Rendo. Apróbase, polo tanto, coa unanimidade dos
presentes, a creación do Banco de Libros.
3º.- Debatir e aprobar,
se procedera, varias medidas que fomenten o aforro en material
escolar e libros de texto para levalas ao Consello Escolar, á
Federación de APAS de Galicia e poñelas en coñecemento dos
principais sindicatos do ensino de Galicia coa finalidade de
implicar a ditas entidades na defensa das mesmas.
Interveñen no debate
deste punto moitas das presentes e acórdase, finalmente, a
elaboración dun documento que recolla as principais manifestacións
feitas na asamblea para que se lle trasladen ás organizacións xa
referidas no encabezamento deste punto.
Acórdase, asimesmo, que
dito documento recolla a adesión desta ANPA ás reivindicacións
que veñen facendo os sindicatos do ensino de Galicia na defensa dun
ensino público de calidade ante a ameaza que para o mesmo supoñen
os recortes presupostarios feitos pola Consellería de Educación e
Cultura da Xunta de Galicia.
Solicítanse voluntarios
e voluntarias para a elaboración de dito documento e confórmase un
grupo de traballo composto polas seguintes persoas: Ana Filgueiras,
Lídia Senra, Rosa Prada, José Antonio Pose, José Antonio Castro e
Xurxo Cerdeira.
Levántase
a sesión da asemblea extraordinaria ás 22:45 h.
O
Secretario accidental
Vº.Bo do Presidente
Asdo.:
Jorge Cerdeira Louro Asdo: José Luis Carreira
Quinteiro
No hay comentarios :
Publicar un comentario