Campaña de Esquí Deputacion da Coruña

CAMPAÑA DE ESQUÍ 2017 
DA DEPUTACIÓN DA CORUÑA

A Deputación da Coruña organiza de novo a Campaña de esquí destinada os nenos/as nados/as nos anos 2002, 2003, 2004, 2005 e 2006.

Terá lugar na estación invernal de Leitaregos onde os participantes gozarán de seis días con aloxamento, manutención e cursiños de esquí. A cota de inscrición da actividade será de 95,00 euros por participante.

Ao Concello de Vedra adxudicaronlle 4 PRAZAS para a 4ª QUENDA que terá lugar dende o 19/03/2017 ó 24/03/2017. A entrada das persoas  participantes será o domingo pola tarde e a saída o venres despois da comida. O transporte dende a comarca, tanto de ida como de volta está incluído na oferta; os puntos da comarca onde terá lugar a recollida notificarase con abonda anticipación.

Se tes interese podes pre-inscribirte no Concello ATA O  VINDEIRO LUNS  23/01/2017chamando ao teléfono 981 814 691.

TERÁ PREFERENCIA  QUEN NON FORAN A NINGUNHA CAMPAÑA DA NEVE DA DEPUTACIÓN.

No suposto de ter máis solicitudes que número de prazas concedidas pola Deputación, será preciso realizar un sorteo público ante o Secretario do concello para adxudicar as mesmas.

A ANPA " A Bóca" desexavos a todos un bo nadal e un feliz aninovo.

Captación de socios

 Debido ó cambio de directiva, facemos a inscripción un pouco tarde este ano, polo queampliamos o prazo ata o 31 de Xaneiro.- Para facerte socia/o da ANPA "A BOCA" só tes que ingresar ou transferir 15 € (cota porcurso e familia) ó número de conta de ABANCA ES93 2080 0320 2230 4000 2641, e entregar a ficha de inscrición que acompaña a esta comunicación, debidamente cuberta, na conserxería do colexio.- Se prefires pagar en efectivo, os martes do mes de xaneiro de 14.30 a 15 horas e de 16.30 a 17 horas podes atoparnos no local da ANPA. Cantos máis socios sexamos, máis recursos, ideas e proxectos pódense poñer enmarcha dende a nosa asociación. Poderemos facer máis eventos educativos nos quecoñecernos todos e integrar mellor a toda a comunidade educativa, pais e nais, docentes, alumnos e todo o colectivo que directa ou indirectamente colabora outraballa no noso colexio. 

Abrimos un buzón de suxestións para que se tes algo que dicirmos non te quedes coas ganas. ¿Cómo facer unha suxestión?

1. Por e-mail, anpacpivedra@gmail.com

2. A través do formulario da nosa web.

Preferimos que todas as suxestións se fagan por escrito, xa que así quedan gardadas e son máis doadas de xestionar. Recordade que facemos esto no noso tempo libre, de xeito totalmente voluntario e altruista.

Queredes unha comunicación máis activa? Estamos a explorar novos xeitos de comunicación cospais. Ponte en contacto con nós para darte de alta no noso grupo de Telegram. LEMBRADEDESCARGAR A APLICACIÓN!!!

Ficha socios 2016/2017

AVISO IMPORTANTE

Estimados socios e socias da ANPA.

Estimados país e nais de alumnos e alumnas.

Este pasado venres 4 de novembro, celebrouse na Casa do Antigo Xulgado de Vedra a Asemblea Xeral Ordinaria de socios/as deste ano, á cal asistiron 2 socios/as dun total de 140 pais e nais que son socios/as desta ANPA. Debido á baixa asistencia presente decidiuse cancelar a Asemblea e pospoñela para este próximo venres 11 de novembro no mesmo lugar e á mesma hora (podedes ver a convocatoria ca orde do día debaixo destas liñas).

Como consecuencia deste feito ocorrido o pasado venres 4, e vendo a total falta de interese que suscita unha ANPA neste colexio por parte de toda a comunidade educativa, e analizando a nefasta capacidade de convocatoria conseguida nas actividades programadas, a Xunta Directiva da ANPA “A Bóca” do CPI Plurilingüe de Vedra resolve:

Rematado o mandato de dous anos da actual Xunta Directiva e debido á falta de vontade de proseguir nos seus cargos, se na Asemblea deste próximo venres 11 non se consigue constituír unha nova Xunta Directiva:

A Asociación será disolta por parte da actual Xunta Directiva á espera de que apareza un grupo de xente interesada en seguir adiante ou en caso contrario desaparecerá por completo a actividade de dita Asociación.

A 7 de novembro de 2016

A Xunta Directiva

ASEMBLEA XERAL ORDINARIA

Calquera persoa interesada en presentar unha candidatura para a Xunta Directiva da ANPA para os vindeiros dous anos pode facelo ata o próximo xoves día 3 de novembro ás 20:45 horas. As solicitudes remitiranse por correo electrónico á seguinte dirección: anpacpivedra@gmail.com.

PROCEDEMENTO DE ADMISIÓN PARA O CURSO 2016/2017 (II)

LISTA PROVISORIA DE ADMITIDOS

ALUMNADO RESERVA CENTROS ADSCRITOS

ESCOLA DE FAMILIAS DE ABRIL

Un mes máis a Escola de Familias trata un tema de especial interese para a comunidade educativa na actualidade. Desta vez a experta María Chavert impartirá unha charla titulada "Prevención no consumo de drogas nas familias".

A reunión terá lugar hoxe de 20:30-22:00 horas na Casa da Estación de Tren de Santa Cruz de Ribadulla.

Esperamos a vosa presenza e que sexa do voso interese.

IX XORNADAS DA CIENCIA E A TECNOLOXÍA

Hoxe comezan en Vedra as actividades da Semana da Ciencia 2016 que este ano tratarán sobre "A luz e a ciencia" e que durarán ata o próximo domingo día 24 no que terá lugar a Feira da Ciencia (Pavillón Municipal de Vedra) na que os escolares participantes no concurso exporán os seus traballos.

Non faltedes a todas as actividades de grande interese que se van a celebrar estes próximos días e sobre todo non deixedes de participar de forma activa cos vosos fillos e fillas para concienciar a todas as persoas da importancia da luz e a tecnoloxía na cidadanía.

Debaixo destas liñas tedes máis información:

PROGRAMA

BASES